RHUTENI et RUTHENI Caesari

RHUTENI, et RUTHENI Caesari

l. 1. Bell. Gall. c. 45. et l. 7. c. 5. Ruteni Plinio, l. 4. c. 19. Rhutani Ptolemaeo, populi et urbs Episcopalis Galliae Aquitanicae ad montem Cemmenum, inter Velaunos et Helvios. Regio Rovergue, urbs autem Rodez appellatur. Lucan. l. 1. v. 402.

Solvuntur flavi longâ statione Rhuteni.

Sunt hi populi in parte Orientali Aquitaniae, inter Gabalos ad Ortum, Arvernos ad Boream, Cadurcos ad Occidentem, et Heleuteros ad Austrum. Eorum caput est Segodunum seu Ruteni, Rodez, urbs culta ad Veronium fluv. 12. circiter leuc. a Commeno monte in Circium, 15. a Mimate in Occasum, Cadurcum versus 16. ab Albigia in Caeciam 10. leuc. Floriopolim versus 12, Baudrand.